„ევროპული სკოლის“ ბიბლიოთეკა ემსახურება სკოლის საზოგადოებას. ბიბლიოთეკა ნებისმიერ სკოლასა თუ სასწავლო დაწესებულებაში მოსწავლეებს მრავალფეროვან რესურსებთან მუშაობასა და აკადემიური უნარების განვითარებაში ეხმარება. ჩვენი მიზანია, მოსწავლეებს გავუღვივოთ კვლევა-ძიების, ახლის შეცნობისადმი ინტერესი და მეგზურობა გავუწიოთ ამ პროცესში.

ფილოსოფიითა და მიზნებით ერთიანი „ევროპული სკოლის“ ბიბლიოთეკა მოიცავს ორ მიმართულებას: დაწყებითი საფეხურის ბიბლიოთეკას და საბაზო და საშუალო საფეხურის ბიბლიოთეკას.

დაწყებითი საფეხურის ბიბლიოთეკა წარმოდგენილია ორი სივრცით:

• საერთაშორისო ბაკალავრიატის PYP პროგრამის ბიბლიოთეკა მდებარეობს შენობა A-ში, მე-4 სართულზე და ემსახურება I-V კლასის მოსწავლეებს;
• ქართული დაწყებითი საფეხურის ბიბლიოთეკა მდებარეობს A კორპუსის მე-6 სართულზე და ემსახურება ქართული პროგრამის I-V კლასის მოსწავლეებს.

საბაზო და საშუალო საფეხურის ბიბლიოთეკა ფუნქციონირებს ორ შენობაში:

შენობა B-ს მე-5 სართულზე ბიბლიოთეკა ემსახურება საერთაშორისო ბაკალავრიატის MYP, DP და CP პროგრამების VI-XII კლასის მოსწავლეებს;

შენობა C-ს მე-5 სართულზე ბიბლიოთეკა ემსახურება ქართული პროგრამისა და ამერიკული უმაღლესი სკოლის (ASAS) VI-XII კლასის მოსწავლეებს.

საბაზო და საშუალო საფეხურის ბიბლიოთეკაში დაცულია დაახლოებით 10 000 ბეჭდური რესურსი სხვადასხვა ენაზე. დაწყებითი საფეხურის ბიბლიოთეკაში თავმოყრილია დაახლოებით 4 000 წიგნი ქართულ, ინგლისურ, რუსულ და სხვა ენებზე.

ბიბლიოთეკა მოიცავს სამკითხველო, კომპიუტერულ და ჯგუფური პროექტებისთვის განკუთვნილ სივრცეებს. თითოეული ბიბლიოთეკა ადვილად ტრანსფორმირდება საპრეზენტაციო სივრცედ, რომელიც მრავალფეროვან ღონისძიებებს მასპინძლობს და ერთდროულად 50-მდე სტუმარს იტევს.

ციფრული სწავლებისა და ტექნოლოგიების ხელშეწყობის მიზნით, „ევროპული სკოლის“ ნორჩ მკვლევრებს წვდომა აქვთ მსოფლიოს წამყვან ელექტრონულ, სამეცნიერო და აკადემიურ ბიბლიოთეკებზე.

სკოლის ბიბლიოთეკები მუშაობს ორშაბათიდან პარასკევის ჩათვლით, 09:00 საათიდან 17:00 საათამდე.